ဇာတ်လမ်းတွဲအသစ် ရိုက်ကူးဖို့ ပြင်ဆင်မှုတွေပြုလုပ်နေပြီဖြစ်တဲ့ Kim Soo Hyun

စစ်မှုထမ်းတာဝန်ပြီးကတည်းက ဇာတ်ကားသစ်ရိုက်ကူးမှုမရှိသေးတဲ့ မင်းသား Kim Soo Hyun ဟာ tvN ရုပ်သံဇာတ်လမ်းတွဲ “Psycho But It’s Okay” ကိုရိုက်ကူးဖို​ ့မေလ ၈ ရက်နေ့မှာ ဇာတ်ညွှန်းဖတ်ပြင်ဆင်နေပါပြီ။ ဇာတ်လမ်းတွဲကတော့ အလုပ်မအားကြတဲ့ စိတ်ကျန်းမာရေးဌာနက ကျန်းမာရေးဝန်ထမ်းတစ်ဦးနဲ့ စာရေးဆရာတို့ကြားက အချစ်ဇာတ်လမ်းလေးဖြစ်ပြီး မင်းသား Kim Soo Hyun နဲ့အတူ မင်းသမီး Seo Ye Ji ကအတူ တွဲဖက်သရုပ်ဆောင်သွားမယ်လို့ သိရပါတယ်။

ဇာတ်ညွှန်းဖတ်ပြီး ပြင်ဆင်နေချိန်မှာတင်မင်းသမီးရော မင်းသားရောက ကာရိုက်တာပေါ်စိတ်နှစ်ထားကြပါတယ်။ Kim Soo Hyun က မိဘတွေဆုံးပါးသွားပြီး မိသားစုတာဝန်ကိုယူနေရတဲ့ Moon Kang Tae အဖြစ်၊ Seo Ye Ji ကတော​့ စိတ်ကျန်းမာရေးပြဿနာခံစားနေရတဲ့ အောင်မြင်တဲ့ ကလေးပုံပြင် စာရေးဆရာအဖြစ် သရုပ်ဆောင်သွားမှာပါ။

ဒီစီးရီးကိုေတာ့ လက်ရှိ tvN မှာပြသနေတဲ့ When My Love Blooms ဇာတ်လမ်းတွဲအပြီး ဂျွန်လမှာ ထုတ်လွှင့်ပြသသွားမှာပါ။ Kim Soo Hyun ဟာ အနုပညာကြေးအမြင့်ဆုံး မင်းသားတွေထဲကတစ်ယောက်ဖြစ်သလို ဇာတ်ကားရိုက်ကူးမှုလဲ ကျဲတာကြောင့် ပရိတ်သတ်တွေကတော့ ရင်ခုန်နေကြပါပြီ။ မှတ်ချက်လေးတွေလည်းပေးခဲ့ပါဦးနော်…။

source: soompi

Share