Lee Joon Gi နဲ့ Moon Chae Won တို့ရဲ့ ပီပြင်တဲ့ သရုပ်ဆောင်မှုတွေကို တွေ့ရအုံးမယ့် ဇာတ်လမ်းတွဲအသစ်

Lee Joon Gi နဲ့ Moon Chae Won တို့ပါဝင်သရုပ်ဆောင်သွားမယ့် tvN ရုပ်သံလိုင်းရဲ့ ဇာတ်လမ်းတွဲအသစ် “Flower of Evil” ကတော့ ပိုစတာအသစ်နဲ့ ပရိသတ်တွေကို မိတ်ဆက်ခဲ့ပါတယ်။

ဇာတ်လမ်းအကျဉ်းကတော့ Baek Hee Sung ( Lee Joon Gi) ဟာ ဆိုးရွားတဲ့အတိတ်ကို ဟန်ဆောင်ဖုန်းကွယ်ကာ Cha Ji Won ( Moon Chae Won) ရဲ့ အမျိုးသား အဖြစ်နဲ့ ဇာတ်မြုပ်နေထိုင်နေပါတယ်။

စုံထောက်တစ်ယောက်ဖြစ်တဲ့ Cha Ji Won ဟာ ခင်ပွန်းသည်ရဲ့ အတိတ်ကို ရှာဖွေဖော်ထုတ်ဖို့ ကြိုးစားတဲ့အခါမှာတော့ ဇနီးမောင်နှံနှစ်ယောက်ဟာ မကြုံတွေ့ချင်တဲ့ ထိပ်တိုက်ရင်ဆိုင်မှုမျိုးနဲ့ ရင်ဆိုင်လာရပါတော့တယ်။

ဇာတ်လမ်းပိုစတာကတော့ ဇာတ်ကောင်နှစ်ယောက်ရဲ့ ရှုပ်ထွေးတဲ့ဇာတ်ကြောင်းကို ပုံဖော်ထားပါတယ်။ ပိုစတာမှာတော့ ” ယုံကြည်မှုကို ပျက်ပြားစေတဲ့ ရက်စက်တဲ့ အမှန်တရား” ဆိုတဲ့ စာတန်းနဲ့ပါ ဇာတ်ကြောင်းကို ထောက်ပံ့ထားပါသေးတယ်။

ဇာတ်ကောင်နှစ်ယောက် ဘယ်လိုထိပ်တိုက်ရင်ဆိုင်ကြရမယ်၊ ဘယ်လို အကျည်းတန်တဲ့ အမှန်တရားတွေ ဖော်ထုတ်ခံရမလဲဆိုတာလည်း စိတ်ဝင်စားစရာပါ။ Lee Joon Gi နဲ့ Moon Chae Won တို့ရဲ့ ဝါရင့်သရုပ်ဆောင်မှုတွေ့ကို မြင်တွေ့ရမယ့် ” Flower of Evil” ဇာတ်လမ်းတွဲကို ဇူလိုင် ၂၂ ရက်နေ့မှ စတင်ပြသသွားမှာပါ။

 

Source: Soompi
Written: Gyi Gyi

Share