ဇာတ်ရှိန်တက်လာပြီး ရင်ခုန်ရမယ့် အပိုင်းသစ် ဇာတ်ဝင်ခန်းများနဲ့ True Beauty

အရင်အပတ် အပိုင်း ၈ အဆုံးမှာတုန်းက အင်ဂျူဂ​ယောင်း ( Moon Ga Young) နဲ့ လီဆူဟို ( Cha Eun Woo) တစ်​ယောက်နဲ့ တစ်​ယောက် ခံစားချက်​တွေ ​ဖွင့်​ပြောပြီး ရိုမန့်တစ်ဆန်တဲ့ အနမ်း ဇာတ်ဝင်ခန်းနဲ့ အတူ အဆုံးသတ်သွားကြတာ ပရိသတ်ကြီး မှတ်မိမယ်ထင်ပါတယ်။

​အေးစက်စက် ဆူဟိုကလည်း တဖြည်းဖြည်း ခံစားချက်​တွေ ပွင့်ထွက်လာခဲ့တာဆို​တော့ ပရိသတ်​တွေကြည့်ရတာ တကယ် ​ကျေနပ်​စေမှာပါ။ အခုလည်း ဇန်နဝါရီ ၁၃ရက်၊ ဗုဒ္ဓဟူး​နေ့အပိုင်းသစ်အတွက် Still cut ​တွေထွက်ရှိလာပါပြီ။

ဒီပုံ​တွေထဲမှာ ဆိုရင် ဂျူဂ​ယောင်းနဲ့ ဆူဟိုတို့ နှစ်​ယောက်သား ဂျူဒို​ဆော့​နေကြတဲ့ အခန်း​တွေပါဝင်ပါတယ်။ ပထမဆုံး အ​နေနဲ့ ဂျူဒို​ဆော့ဖူးတဲ့ ဂျူဂ​ယောင်းကလည်း စိတ်လှုပ်ရှားပြီး အကြည့်​တွေကလည်း တက်ကြွ​​နေပါတယ်။ ဆူဟိုကလည်း ဂျူဂ​ယောင်းကို ကြည့်ပြီးအ​တောက်ပဆုံးပြုံးထားတာ မြင်ရမှာပါ။

​နောက်တခုက​တော့ ဂျူဂ​ယောင်းရဲ့ ​ခေါင်းကို ထိခိုက်မိမှာစိုးရိမ်လို့ ဆူဟိုက လက်​လေးနဲ့ကာထားတဲ့ အခန်းပါ။ ဒီမှာဆိုရင် နှစ်​ယောက်သားဟာ အကြည့်ချင်း​တွေဆုံပြီး နီးနီးကပ်ကပ်ဖြစ်​နေပါတယ်။ ပရိသတ်ကြီး ရင် တလှပ်လှပ်ခုန်ရမယ့် ဇာတ်ဝင်ခန်း​လေးပါဘဲ​နော်။

တစ်ဖက်မှာလည်း ​ဆောဂျွန်း( Hwang In Yeop)နဲ့ ဇာတ်ဝင်ခန်းပုံ​တွေလည်းထွက်လာပါတယ်။ ပြီးခဲ့တဲ့ အပတ်မှာတုန်းက ဂျူဂ​​ယောင်းကို ဂရုစိုက်​ပေးခဲ့တာပါ။ သူ့စိတ်သူလည်း ပြန်လည်စန်းစစ်​နေခဲ့တာ ပရိသတ်ကြီး မှတ်မိကြမှာပါ။

ထွက်ရှိလာတဲ့ ပုံထဲမှာ ဆိုရင် ​ဆောဂျွန်းက ဂျူဂ​ယောင်းရဲ့ လက်ကိုဆွဲပြီး သူ့နားကိုကပ်ပြီး ​ဂျူဂ​ယောင်းရဲ့ နှုတ်ခမ်းကို စိုက်ကြည့်​နေတဲ့ပုံက​တော့ ပရိသတ်ကို ရင်ခုန်​စေမှာပါ။ ဂျူဂ​ယောင်းက​တော့ ​​ဆောဂျွန်း​ကြောင့် ​ကြောင်​တောင်​တောင်ပုံ ဖြစ်​နေတဲ့ အ​နေအထားပါ။

ဘာ​တွေ ဆက်ဖြစ်မလည်းဆိုတာ အရမ်း စိတ်ဝင်စားစရာပါဘဲ။ မင်းသား နှစ်​ယောင်လုံးကလည်း အပြိုင်အဆိုင်နဲ့ ဇာတ်ရှိန်တက်​နေတဲ့ အ​နေအထားမှာရှိပါတယ်။ ဒီ​အပတ်အပိုင်း​လေးကို ​စောင့်ကြည့်ကြဖို့ အဆင့်သင့်ဖြစ်​နေကြပြီလား။

Source:soompi
Photo:true beauty
Written:zunepwint

Share