Kai ရဲ့ Solo ပွဲဦးထွက်ကို ဂုဏ်ပြုတဲ့အ​နေနဲ့ ​ကော်ဖီကားပို့​ပေးခဲ့တဲ့ Gucci

ကမ္ဘာ​ကျော် ဇိမ်ခံအသုံးအ​ဆောင်ပစ္စည်း​တွေ ထုတ်လုပ်တဲ့ Gucci brand ဟာ သူတို့ရဲ့ ကမ္ဘာလုံးဆိုင်ရာ ကိုယ်စားလှယ်ဖြစ်တဲ့ EXO အဖွဲ့ဝင် Kai ရဲ့ တစ်ဦးတည်း အနုပညာလှုပ်ရှားမှု​တွေကို ဂုဏ်ပြုတဲ့အ​နေနဲ့ ​ကော်ဖီကားကို ပို့​ပေးခဲ့ပါတယ်။ Kai နဲ့ သူ့ရဲ့ ဝန်ထမ်း​တွေအတွက် သူတို့အလုပ်လုပ်​နေကြတဲ့ အမည်မ​ဖော်ပြထားတဲ့ ​နေရာကို ပို့​ပေးခဲ့တာ ဖြစ်ပါတယ်။

ထို ​ကော်ဖီကားရဲ့ ​ခေါင်းစီးမှာ “လူသား Gucci ​လေး Kai ရဲ့ ပထမဆုံး solo album ထွက်တာကို ဂုဏ်ပြုပါတယ်။ Mmmh လို့ အသံထွက်ရင်း အရသာရှိရှိ စားသုံးကြပါ” လို့ ​ရေးထားပြီး ​​ထောင်ထားတဲ့ banner မှာ​တော့ “Gucci က Gucci Kai ကို စိတ်ရင်းနဲ့ အပြည့်အ​ဝ အား​ပေး​နေပါတယ်” လို့ ​ရေးထားပါတယ်။

​​​ထို့ပြင် သောက်စရာ​ဖျော်ရည်​များနဲ့ ကွတ်ကီးထုတ်​လေးများမှာ Kai ပုံ စတစ်ကာ​လေး​တွေ ကပ်ထားပြီး Gucci ရဲ့ အမှတ်အသားဖြစ်တဲ့ ဖဲပြား​လေး​တွေကို ချည်ထားပါတယ်။ ​ကော်ဖီကားကို စီစဉ်ပို့​ဆောင်​ပေးတဲ့ ကုမ္ပဏီကလည်း သူတို့ရဲ့ instagram အ​ကောင့်မှာ “#Gucci က #EXO #Kai ရဲ့ solo album ကို ဂုဏ်ပြုဖို့ ​​ကော်ဖီကားပို့​ပေးခဲ့ပါတယ်” ဆိုတဲ့ caption နဲ့ post တင်ခဲ့ပါတယ်။

Kai ဟာ ၂၀၂၀ ခုနှစ် နိုဝင်ဘာလ ၃၀ ရက်​နေ့မှာ “KAI” ဆိုတဲ့ album ကို ထုတ်​ဝေခဲ့ပြီး solo အ​နေနဲ့ ပွဲဦးထွက်ခဲ့ပါတယ်။ ထို album ထဲမှာ သီချင်း ၆ ပုဒ်ပါဝင်ပြီး ​ခေါင်းစီးသီချင်းဖြစ်တဲ့ “Mmmh” music video ဟာဆိုရင် Youtube မှာ ကြည့်ရှုမှု​ပေါင်း ၃၈ သန်း​ကျော် ရရှိထားတာဖြစ်ပါတယ်။

Source : Koreaboo
Photo : Instagram
Written : ZL

Share