UN ရဲ့ ရာသီဥတု​ပြောင်းလဲခြင်းဆိုင်ရာ ညီလာခံအတွက် သံတမန်အဖြစ် ခန့်အပ်ခြင်းခံခဲ့ရတဲ့ BLACKPINK

ဖေ​ဖော်ဝါရီလ ၂၅ ရက်​နေ့မှာ BLACKPINK အဖွဲ့ဝင်များဟာ ဆိုးလ်မြို့မှာရှိတဲ့ ဗြိတိသျှသံရုံးကို တရားဝင် ဖိတ်ကြားခြင်းခံခဲ့ရပြီး ဗြိတိသျှဝန်ကြီးချုပ် Boris Johnson ရဲ့ စာတစ်​စောင်ကို လက်ခံရရှိခဲ့ပါတယ်။ ထိုစာထဲမှာ ဝန်ကြီးချုပ်က မကြာ​သေးခင်က ထွက်ထားတဲ့ ရာသီဥတု​ပြောင်းလဲမှုဆိုင်ရာ အသိမြှင့်တင်​ပေးတဲ့ ‘Climate Action in Your Area #COP26’ ဗီဒီယိုဟာ အရမ်းကို ​အောင်မြင်ခဲ့ပြီး ဆိုရှယ်မီဒီယာ​​တွေ​ပေါ်မှာ ကြည့်ရှုသူ​ပေါင်း ၁၀သန်း​ကျော်ရှိခဲ့​ကြောင်း၊ ဒီအ​ဓိကကျတဲ့ ပြဿနာနဲ့ ပတ်သက်ပြီး ခုလို အသံပြုဖို့ ​ရွေးချယ်ခဲ့တဲ့တာဟာ ​ကောင်းမွန်တဲ့ကိစ္စဖြစ်​ကြောင်း ​ရေးသားထားပါတယ်။

ကိုရီးယားနိုင်ငံဆိုင်ရာ ဗြိတိသျှသံအမတ်ကြီး Simon Smith က​တော့ “ဗြိတိသျှသံရုံးဟာ COP26 က​နေ အစပြုပြီး BLACKPINK နဲ့ YG Entertainment တို့နှင့်အတူ အလုပ်လုပ်ခွင့်ရတဲ့အတွက် စိတ်လှုပ်ရှားမိ​ပါတယ်။ကျွန်​တော်တို့ဟာ အနာဂတ်မျိုးဆက်​တွေအတွက် ဒီကမ္ဘာ​မြေကြီးကို ကာကွယ်​စောင့်​ရှောက်ရမယ်။

ကမ္ဘာတစ်လွှားက BLINK ​တွေ အားလုံးလည်း ကျွန်​တော်တို့နဲ့အတူ ဒီလမ်းခရီးကို လိုက်ပါ​ဆောင်ရွက်​ပေးကြမယ်လို့ ​မျှော်လင့်ပါတယ်” လို့ မှတ်ချက်ပြုခဲ့ပါတယ်။ BLACKPINK အဖွဲ့ဝင်များကလည်း “ကျွန်မတို့ အရင်ဆုံးလုပ်ရမှာက ရာသီဥတု​ပြောင်းလဲတာနဲ့ ပတ်သက်ပြီး ကျွန်မတို့ကိုယ်တိုင် ​လေ့လာသင်ယူဖို့ပဲ ဖြစ်ပါတယ်။

ကမ္ဘာ​ပေါ်မှာ ဘာ​တွေဖြစ်​နေလဲဆိုတာ သိဖို့လိုပါတယ် ဘာလို့လဲဆို​တော့ ဒီအရာ​တွေက ကျွန်မတို့အားလုံး​ပေါ် သက်​ရောက်မှုရှိ​နေလို့ပါ။ ကျွန်မတို့ ဒါနဲ့ ပတ်သက်ပြီး အများကြီး သင်ယူချင်တယ်။ ကျွန်မတို့ ပရိသတ်​တွေလည်း အဲ့လိုလုပ်ကြဖို့ ​မျှော်လင့်ပါတယ်” ဆိုပြီး ​ပြောကြားခဲ့ပါတယ်။

UN ရဲ့ ရာသီဥတု​ပြောင်းလဲခြင်းဆိုင်ရာ ညီလာခံကို​တော့ ၂၀၂၁ ခုနှစ် နိုဝင်ဘာလ ၁ ရက်​နေ့က​နေ ၁၂ ရက်​နေ့အထိ UK မှာ ပြုလုပ်သွားမှာဖြစ်ပြီး BLACKPINK အဖွဲ့ဝင်များက​တော့ ဒီညီလာခံရဲ့ ကမ္ဘာလုံးဆိုင်ရာ သံတမန်​တွေအ​နေနဲ့ ရာသီဥတု​ပြောင်းလဲမှု​တွေနဲ့ ပတ်သက်ပြီး အသိပညာဖြန့်​​ဝေဖို့ တက်ကြွစွာ ပါဝင်​ဆောင်ရွက်သွားမှာဖြစ်ပါတယ်။

Source : Soompi
Photo : Twitter
Written : ZL

Share