Online Concert မှာ ပရိသတ်​တွေ ဝမ်းသာစရာ သတင်းတစ်ခုကို ​​​ထုတ်​ဖော်​ပြောကြားခဲ့တဲ့ TWICE

JYP Entertainment ရဲ့ မိန်းက​လေးအဖွဲ့တစ်ဖွဲ့ဖြစ်တဲ့ TWICE ဟာ ၂၀၂၀ ခုနှစ် မတ်လတုန်းက Tokyo Dome မှာ သူမတို့ရဲ့ ဂျပန်ပရိသတ်​တွေအတွက် ​ဖျော်​ဖြေပွဲကြီးတစ်ခုကို ပြုလုပ်ဖို့ စီစဉ်ခဲ့ကြပါတယ်။ သို့​သော်လည်း ကိုရိုနာကပ်​ရောဂါကြီး ဖြစ်ပွားခဲ့တဲ့​ကြောင့် ဖျက်သိမ်းခဲ့ရပါတယ်။ ထို့​ကြောင့် ပြီးခဲ့တဲ့ မတ်လ ၆ ရက်​နေ့မှာ “TWICE in Wonderland 新体感ライブ CONNECT Special Live (Japan)” လို့ အမည်ရတဲ့ ဒုတိယအွန်လိုင်း​ဖျော်​ဖြေပွဲက​နေတစ်ဆင့် ဂျပန်ပရိသတ်​တွေကို ​တွေ့ဆုံခဲ့ပါတယ်။

AR နဲ့ CR နည်းပညာ​တွေကို အသုံးပြုထားတဲ့ ဒီ​ဖျော်​ဖြေပွဲမှာဆိုရင် TWICE အဖွဲ့ဝင်​တွေဟာ သူမတို့ရဲ့ ဂျပန်သီချင်း​တွေဖြစ်တဲ့ “Brand New Girl,” “Fanfare,” “Happy Happy,” “Breakthrough,” “Fake and True,” “Better,” “Polish,” “Pink Lemonade,” “The Reason Why,” “One More Time,” “Candy Pop,” “Wake Me Up” စတဲ့ သီချင်း​တွေကို ​ဖျော်​ဖြေခဲ့တဲ့အပြင် “More & More,” “Dance The Night Away,” “Fancy,” “TT,” “Heart Shaker,” နဲ့ “Feel Special” သီချင်း​တွေရဲ့ ဂျပန်ဗားရှင်းကိုပါ ​သီဆို​ဖျော်​ဖြေခဲ့ကြပါတယ်။ ဒါတင်မက​သေးပဲ “I Can’t Stop Me” သီချင်းကိုလည်း အဖွဲ့ဝင် ၉ ​ယောက်လုံးနဲ့ ​ဖျော်​ဖြေခဲ့ပါတယ်။

ဒီလို TWICE အဖွဲ့ဝင် ၉ ​ယောက်ရဲ့ အံ့မခန်း​ ဖျော်​ဖြေမှု​တွေတင်မကပဲ ONCE ​တွေဟာ ​ထို​ကောင်မ​လေး​တွေဆီက ဝမ်းသာစရာ အံ့အားသင့်စရာ သတင်းတစ်ခုကိုလည်း ကြားသိခဲ့ရပါတယ်။ အဲ့ဒါက​တော့ TWICE ဟာ လာမယ့် ​မေလမှာ ၈ ခုမြောက် ဂျပန် single album နဲ့ ပရိသတ်​ရှေ့ကို ပြန်လာ​တော့မယ်ဆိုတဲ့ သတင်းပဲ ဖြစ်ပါတယ်။

TWICE ရဲ့ တရားဝင် ဂျပန် Twitter အ​ကောင့်မှာ ​​ပြောကြားထားပုံအရ ထို single album ရဲ့ ​ခေါင်းစီးသီချင်းက “Kura Kura” လို့ အမည်ရပြီး ​မေလ ၁၂ ရက်​နေ့မှာ ထွက်ရှိမှာဖြစ်ပါတယ်။ ဒါဟာ ၂၀၂၁ ခုနှစ်အတွင်း TWICE ရဲ့ ပထမဆုံး ဂျပန် comeback ဖြစ်ပြီး “Better” album ထွက်ပြီး ၇ လခန့အကြာမှ ထပ်မံထွက်ရှိမယ့် album အသစ်လည်း ဖြစ်ပါတယ်။

ထို့အပြင် ထို ၈ ခု​​မြောက် ဂျပန် single album မှာ သီချင်း ၂ ပုဒ်ပါဝင်မှာဖြစ်​ကြောင်းကိုလည်း ထုတ်​ဖော်ခဲ့ပါတယ်။ ​ခေါင်းစီးသီချင်း “Kura Kura” အပြင် “Strawberry Moon” ဆိုတဲ့ သီချင်းကိုလည်း ပရိသတ်​တွေအ​နေနဲ့ နားဆင်ခံစားရမှာဖြစ်ပါတယ်။ ဒါတင်မက​သေးပဲ ထိုသီချင်း ၂ ပုဒ်ရဲ့ instrumental version ​တွေလည်း album ထဲမှာ ပါဝင်မှာဖြစ်တယ်လို့ သိရှိရပါတယ်။

Source : Korea Portal
Photo : Twitter
Written : ZL

Share