၂ နှစ်အကြာမှာ single album အသစ်နဲ့ comeback ပြုလုပ်​တော့မယ့် Park Bom

မတ်လ ၂၂ ရက်​နေ့မှာ အဆို​တော် Park Bom ရဲ့ ​အေဂျင်စီဖြစ်တဲ့ D-Nation Entertainment က အတွင်းလူတစ်ဦးရဲ့ ​ပြောကြားချက်အရ Park Bom ဟာ သူမရဲ့ single album အသစ်ဖြစ်တဲ့ ‘DoReMiFaSol’ ကို မတ်လ ၃၁ ရက်​နေ့မှာ ထုတ်​ဝေဖြန့်ချီသွားမယ်လို့ သိရှိရပါတယ်။

‘DoReMiFaSol’ ဟာ ​၂၀၁၉ ခုနှစ် ​မေလတုန်းက ထွက်ရှိခဲ့တဲ့ ‘re: BLUE ROSE’ album ​ထွက်ရှိပြီး​နောက် ၂ နှစ်ခန့်ကြာမှ တရားဝင် ထပ်မံထွက်ရှိမယ့် album အသစ် ဖြစ်ပါတယ်။ Park Bom ဟာ သူမရဲ့ သီချင်းအသစ်ကို အသံသွင်း​နေပုံကို tvN ရုပ်သံလိုင်းရဲ့ ‘On and Off’ အစီအစဉ်မှာ အနည်းငယ် ​ဖော်ထုတ်ပြသခဲ့ပါ​သေးတယ်။

2NE1 အဖွဲ့ဝင်​ဟောင်းတစ်​ယောက်ဖြစ်တဲ့ Park Bom ဟာ ၂၀၁၉ ခုနှစ်မှာ solo artist အ​နေနဲ့ ပရိသတ်​ရှေ့ကို ပြန်လည်​ရောက်ရှိလာခဲ့ပြီး​​နောက် Sandara Park ပါဝင်သီဆို​ပေးထားတဲ့ ‘Spring’ နဲ့ MAMAMOO အဖွဲ့ဝင် Wheein ပါဝင်သီဆိုထားတဲ့ ‘4:44’ တို့လို သီချင်း​​တွေနဲ့ ကမ္ဘာတစ်လွှားက music chart ​တွေနဲ့ iTunes chart ​တွေရဲ့ ထိပ်ပိုင်း​နေရာကို သိမ်းပိုက်နိုင်ခဲ့ပါတယ်။

သူမရဲ့ ​အေဂျင်စီက ​ပြော​ရေးဆိုခွင့်ရှိသူတစ်ဦးက “ပရိသတ်​တွေက အချိန်အကြာကြီး ​စောင့်ဆိုင်းခဲ့ရတာ​ကြောင့် Park Bom ဟာ ​ကောင်းမွန်တဲ့ဂီတကို ပရိသတ်​တွေကို မျှ​ဝေနိုင်ဖို့ အင်အားအများကြီး စိုက်ထုတ်ထားပါတယ်။

‘DoReMiFaSol’ ကို အများကြီး စိတ်ဝင်စားပြီး ချစ်​ပေးကြပါလို့” ​ပြောထားပါတယ်။ Park Bom ရဲ့ သီချင်းအသစ် ‘DoReMiFaSol’ ကို မတ်လ ၃၁ ရက်​နေ့ ကိုရီးယား စံ​တော်ချိန် ည​နေ ၆ နာရီမှာ မတူညီတဲ့ သီချင်း streaming sites ​​ပေါင်းစုံက​နေ တစ်ပြိုင်နက် ဖြန့်ချီသွားမှာဖြစ်ပါတယ်။

Source : Soompi
Photo : Twitter
Written : ZL

Share