BTS ပါဝင်တဲ့ ‘You Quiz On The Block’ အပိုင်းအတွက် ​ကြော်ငြာ​ချိန်​တွေ အားလုံးကို ဝယ်ယူခဲ့တဲ့ ARMY များ

မတ်လ ၂၄ ရက်​နေ့မှာ BTS ဟာ tvN ရုပ်သံလိုင်းရဲ့ ‘You Quiz On The Block’ အစီအစဉ်မှာ အထူးဧည့်သည်အ​နေနဲ့ ပါဝင်ခဲ့ပြီး သူတို့ရဲ့ သင်တန်းသား ဘဝတုန်းက အ​ကြောင်း​တွေနဲ့ သူတို့ရဲ့ ပရိသတ် ARMY ​တွေ​အ​ပေါ်ထားတဲ့ သံ​ယောဇဉ်အ​ကြောင်းကို ​ပြောပြခဲ့ကြပါတယ်။ ထိုအစီအစဉ်မှာ BTS အဖွဲ့ရဲ့ ပရိသတ်​တွေက BTS ကို အလွန်ထူးခြားတဲ့ လက်​ဆောင်တစ်ခု​ပေးခဲ့ပါတယ်။

အဲ့ဒါက​တော့ ထိုအစီအစဉ်မှာ ​ကြော်ငြာထည့်သွင်းမယ့် ​​အချိန်​တွေကို ဝယ်ယူလိုက်တာ ဖြစ်ပါတယ်။ အစီအစဉ်ကို ရိုက်ကူး​နေတဲ့ အချိန်အတွင်းမှာ ထုတ်လုပ်​ရေးအဖွဲ့က BTS ရဲ့ fan club တစ်ခုက​နေ ​’You Quiz On The Block’ အစီအစဉ်မှာ ထည့်သွင်းမယ့် ​ကြော်ငြာချိန်​တွေ အားလုံးကို ဝယ်ယူလိုက်တဲ့အ​ကြောင်း ​MC ​တွေနဲ့ BTS အဖွဲ့ဝင်​တွေကို ပြောပြခဲ့ပါတယ်။

ပုံမှန်အားဖြင့် ​ကြော်ငြာ​တွေကို ထုတ်လွှင့်ဖို့ အစီအစဉ်ကို ​​ခေတ္တနားပြီးမှ ပြန်လည်ထုတ်လွှင့်ရပါတယ်။ ဒါ​ပေမဲ့ BTS ရဲ့ ပရိသတ် ARMY ​တွေက ​ကြော်ငြာချိန်​တွေကို ဝယ်ယူလိုက်တဲ့အတွက် အစီအစဉ်ကို ကြားမှာ ​ခေတ္တနားတာမျိုး မရှိ​တော့ပဲ ပရိသတ်​တွေအ​နေနဲ့ အစီအစဉ်ကို ​​ကြော်ငြာမပါပဲ ဆက်တိုက်ကြည့်ရှုလို့ ရသွားပါ​တော့တယ်။

အစီအစဉ်တင်ဆက်သူ Yoo Jae Suk က ဒီသတင်းကို ကြားကြားချင်းမှာပဲ အရမ်းအံ့အားသင့်သွားကာ ရုတ်တရက် မတ်တပ်ထရပ်လိုက်ပြီး BTS ပရိသတ်​တွေရဲ့ အထူးလက်​ဆောင်အတွက် သူတို့ကို အရိုအ​​သေ​ပေးခဲ့ပါတယ်။ BTS အဖွဲ့ဝင်​တွေ​တောင်မှ ဒီကိစ္စကို ကြားသိပြီး မယုံနိုင်​အောင် ဖြစ်ခဲ့ရပါတယ်။ BTS တင်မကပဲ သူတို့ ပရိသတ်​တွေရဲ့ ပါဝါကလည်း သူမတူ​အောင် ကြီးမား​​ကြောင်းကို ဒီဖြစ်ရပ်နဲ့ ထပ်ပြီး သက်​သေပြလိုက်သလိုပါပဲ။

Source : AllKpop
Photo : Twitter
Written : ZL

Share