ဇူလိုင်လအတွင်းရိုက်ကူးမယ့် နာမည်ကြီးမင်းသား ၉ ယောက်ရဲ့ ဇာတ်လမ်းများ (၁)

Advertisements

တရုတ်ထုတ်လုပ်ရေးကနေ ဇာတ်လမ်းပေါင်းများစွာကို နာမည်ကြီးတွေနဲ့ ရိုက်ကူးနေတဲ့အမျှ ပရိသတ်တွေရဲ့ကြည့်လိုအားကလည်း နေ့တိုင်းလောက်တိုးနေတာဖြစ်ပါတယ်။ ဇူလိုင်လအတွင်း ရိုက်ကူးနေပြီဖြစ်တဲ့ဇာတ်လမ်းတွဲတွေထဲမှာ နာမည်ကြီးမင်းသားတွေပါဝင်တဲ့ ဇာတ်လမ်းတွေလည်း ပါဝင်နေပါတယ်။

The Light of My Life – Luo Yunxi

Luo Yunxi နဲ့ Wu Qian တို့ရဲ့ဇာတ်လမ်းလေး The Light of My Life ကတော့ ဇူလိုင်လမှာစတင်ရိုက်ကူးနေပြီဖြစ်ပါတယ်။ ဒီကားထဲမှာတော့ Yunxi ဟာ ရှေ့‌နေတစ်ယောက်အဖြစ် ပါဝင်သရုပ်ဆောင်သွားမှာပါ။ Wu Qian နဲ့ သုံးကြိမ်မြောက်တွဲဖက်ရိုက်ကူးတော့မယ်ဇာတ်လမ်းလေးဖြစ်တာကြောင့် သူတို့ကြားကအတွဲညီနေမှုကြီးကို ပရိသတ်တွေက စောင့်နေကြပါတယ်။

Legend of Anle – Gong Jun

ဇူလိုင်လအတွင်းရိုက်ကူးမယ့်ဇာတ်လမ်းတွေထဲမှာ Youku ရဲ့ ရှေးဟောင်းအချစ်ဇာတ်လမ်းတွဲ Legend of Anle လည်း ပါဝင်ပါတယ်။ ထိပ်တန်းမင်းသမီး Diliraba Dilmurat နဲ့ နာမည်ကြီးမင်းသား Gong Jun တို့က ရိုက်ကူးပုံဖော်သွားမှာဖြစ်တာကြောင့် ရိုးအီပြီးအက်ကြောင်းထပ်နေတဲ့ တခြားသောရှေးဟောင်းအချစ်ဇာတ်လမ်းတွဲတွေနဲ့ကွဲပြားသွားအောင် ဘယ်လိုမျိုးတမူထူးခြားပြီးရိုက်ကူးမလဲဆိုတာကို မျှော်လင့်နေကြပါတယ်။

Extraordinary Healer – Wang Junkai

TFBoys ရဲ့ Karry Wang Junkai ကတော့ အနောက်နိုင်ငံရဲ့ နာမည်ကြီးဇာတ်လမ်းတွဲဖြစ်တဲ့ The Good Doctor ကို တရုတ်ဗားရှင်းနဲ့ ရိုက်ကူးမယ့်ဇာတ်လမ်း Extraordinary Healer မှာ ပါဝင်လာတာဖြစ်ပါတယ်။ Idol တစ်ယောက်ဖြစ်တဲ့အလျောက် ဒီဆရာဝန်ဇာတ်ကောင်ကို Junkai အနေနဲ့ အကောင်းဆုံးရိုက်ကူးသွားနိုင်မလားဆိုတာကို စိတ်ဝင်စားနေကြပါတယ်။

Flight to You – Wang Kai

Wang Kai နဲ့ Tan Songyun ကတော့ လေယာဉ်မောင်းအတတ်သင်တန်းမှာ ဆုံတွေ့ခဲ့တဲ့ စီနီယာ-ဂျူနီယာဆက်ဆံရေးကနေ အချစ်တစ်ခုပေါက်ဖွားလာတဲ့ဇာတ်လမ်းလေးကို ရိုက်ကူးတော့မှာဖြစ်ပါတယ်။ အသက်အန္တရာယ်နဲ့နီးစပ်လွန်းတဲ့ လေယာဉ်မောင်းနှင်ခြင်းအကြောင်းကို Romantic ဆန်ဆန်‌ရိုက်ကူးမှာဖြစ်တဲ့ Flight to You ဇာတ်လမ်းလေးကတော့ ဇာတ်အိမ်နဲ့ဇာတ်ညွှန်းက တမူထူးခြားနေပါတယ်။

Source: Dramalist
Photos: ChinaDaily
Written: Julix

Advertisements
Share