၂၀၂၁ ခုနှစ် ပထမနှစ်ဝက်အတွင်း လူကြိုက်အများဆုံးဖြစ်ခဲ့တဲ့ K-drama ဇာတ်​ကောင်များ

Advertisements

မကြာ​သေးခင်အချိန်က K-Pop နဲ့ K-drama သတင်း​တွေကို တင်ဆက်​ပေး​နေတဲ့ Kpopmap ဝက်ဘ်ဆိုက်က​နေ ၂၀၂၁ ခုနှစ် ပထမနှစ်ဝက်အတွင်း ထုတ်လွှင့်ပြသခဲ့တဲ့ ကိုရီးယားဇာတ်လမ်းတွဲ​တွေထဲက ပရိသတ်​တွေ အနှစ်သက်ဆုံး မင်းသားနဲ့ မင်းသမီးဇာတ်​ကောင်​တွေကို မဲ​ပေး​ရွေးချယ်​စေခဲ့ပါတယ်။ အဲ့ဒီမဲရလဒ်အရ ထိပ်ဆုံးမှာ ရပ်တည်ခဲ့တဲ့ ​ယောကျ်ား​လေးဇာတ်​ကောင် ၃ ခုနဲ့ မိန်းက​လေးဇာတ်​ကောင် ၃ ခုက​တော့

1. Lee SuHo (ASTRO’s Cha EunWoo) – “True Beauty”

“True Beauty” ထဲက ဆူဟိုဇာတ်​ကောင်ဟာ ပရိသတ်​တော်​တော်များများရဲ့ နှလုံးသားကို ဖမ်းစားနိုင်ခဲ့ပြီး ဒါ​ကြောင့်လည်း Kpopmap စာဖတ်သူ​တွေဟာ ၂၀၂၁ ခုနှစ် ပထမနှစ်ဝက်အတွင်း သူတို့ သ​ဘောအကျဆုံး ​ယောကျ်ား​လေးဇာတ်​ဆောင်အဖြစ် ​ရွေးချယ်ခဲ့ကြပါတယ်။

ဆူဟိုဟာ ရုပ်​ချောပြီး ဉာဏ်​ကောင်းတဲ့အပြင် စိတ်​​ကောင်းလည်း ရှိ​တော့ သူ့ကို သ​ဘောမကျတဲ့သူမရှိတာ မဆန်းပါဘူး။ ကြည့်ရှုသူ​တွေဟာ Suho တစ်​ယောက် အချစ်နဲ့ စ​တွေ့ချိန်မှာ ဖြစ်​ပေါ်လာတဲ့ ချစ်စဖွယ်အပြုအမူတွေကို နှစ်သက်ခဲ့ကြပါတယ်။

ဇာတ်လမ်းတွဲရဲ့ အပိုင်း​တွေများလာတာနဲ့အမျှ ဆူဟိုဟာ လူတိုင်းရဲ့ စိတ်ကူးထဲက ချစ်သူ​ကောင်​လေးပုံစံဖြစ်မှန်း သိသာလာပါတယ်။ သူဟာ Ju Gyeong အ​ပေါ်ကို အား​ပေးခြင်း၊ ဂရုစိုက်ခြင်း၊ စိတ်ရင်းနဲ့ဆက်ဆံခြင်း၊ ချစ်ခင်မြတ်နိုးခြင်းစတာ​တွေ အကုန်လုပ်​ပေးတဲ့ ချစ်သူ​ကောင်းတစ်​ယောက်ဖြစ်ပါတယ်။

2. Jung Ba Reum (Lee SeungGi) – “Mouse”

မှုခင်းသည်းထိတ်ရင်ဖို ဇာတ်လမ်းတွဲဖြစ်တဲ့ “Mouse” ထဲက Jung Ba Reum က​တော့ ဒုတိယ​နေရာကို ရရှိခဲ့ပါတယ်။ သူဟာ ခက်ခဲပင်ပန်းတဲ့ ဘဝမှာ ​နေထိုင်ခဲ့ရပြီး စိတ်​ကောင်းရှိတဲ့ ရဲအရာရှိတစ်​ယောက်ဖြစ်ပါတယ်။

သူဟာ သူတစ်ပါးကို ကူညီဖို့အတွက် အမြဲအဆင်သင့်ဖြစ်​နေတတ်ပြီး တိရစ္ဆာန်​လေး​တွေကို​တောင်မှ သူ့အသက်ကိုရင်းပြီး ကာကွယ်​စောင့်​ရှောက်တတ်သူဖြစ်ပါတယ်။ Jung Ba Reum ဟာ နိုင်ငံ့သား​ကောင်းဆုကိုလည် ရရှိထားပြီး ​နောက်ပိုင်း သူ့ရဲ့ဇာတ်​ကောင်မှာ အလှည့်အ​ပြောင်းများစွာနဲ့ မတူညီတဲ့ ဆွဲ​ဆောင်မှုကို ​တွေ့ရမှာဖြစ်ပါတယ်။

3. Ki Seon Gyeom (Im SiWan) – “Run On”

တတိယ​နေရာကို ရရှိခဲ့တဲ့က​တော့ “Run On” ဇာတ်လမ်းထဲမှာ Im Si Wan သရုပ်​ဆောင်ထားတဲ့ Seon Gyeom ဆိုတဲ့ ဇာတ်​ကောင်ဖြစ်ပါတယ်။ သူဟာ ချမ်းသာကြွယ်ဝတဲ့အသိုင်းအဝိုင်းမှာ ​မွေးဖွားလာတဲ့ အားကစားသမားတစ်ဦးဖြစ်ပြီး သူ့ရဲ့ဖခင်နဲ့ မတည့်ပါဘူး။ သူဟာ ထူးခြားတဲ့နည်းနဲ့ ​တွေး​ခေါ်ကြံဆတတ်ပြီး ချစ်စရာ​ကောင်းပါတယ်။

စစချင်းကြည့်ရင်​တော့ သူ့ကို ထူးဆန်းတဲ့သူတစ်​ယောက်လို့ ထင်​ကောင်းထင်နိုင်​ပေမဲ့ သူဟာ စိတ်ရင်း​ကောင်းပြီး အဆုံးမရှိတဲ့ ဆွဲ​ဆောင်မှု​တွေနဲ့သူဖြစ်ပါတယ်။ ဇာတ်လမ်းတွဲကြည့်ရင်း သူ့အခန်း​ရောက်တဲ့အခါ မပြုံးမိတဲ့သူ မရှိ​လောက်​အောင်ပါပဲ။

1. Lim JuGyeong (Moon GaYoung) – “True Beauty”

မိန်းက​လေးဇာတ်​ကောင်​တွေထဲမှာ ပထမ​နေရာကို ရရှိခဲ့တာက​တော့ “True Beauty” ထဲက Ju Gyeong ပဲဖြစ်ပါတယ်။ သူဟာ ရည်မှန်းချက် ကြီးကြီးမားမားမရှိပဲ သွက်လက်တက်ကြွတဲ့ အထက်တန်း​ကျောင်းသူဖြစ်ပြီး ​ရုပ်ဆိုးဆိုး​ကောင်မ​လေးဖြစ်ပါတယ်။ ​နောက်ပိုင်း မိတ်ကပ်ပြင်နည်း​တွေကို ကြည့်ရင်း မိတ်ကပ်လိမ်းနည်းကို ကြိုးစားသင်ယူကာ ​​သူမ​ကျောင်း​ပြောင်းသွားတဲ့ ​ကျောင်းအသစ်မှာ အလှဘုရင်မဖြစ်လာပါ​တော့တယ်။

Ju Gyeong ဟာ ရှပ်ပြာပြာနဲ့ တလွဲ​တွေလုပ်တတ်ပြီး မထင်မှတ်ထားတဲ့ အ​ခြေအ​နေ​တွေနဲ့ ကြည့်ရှုသူ​တွေကို ရယ်​မော​စေခဲ့တဲ့အတွက် ကိုရီးယားဇာတ်လမ်းတွဲ​တွေရဲ့ ​ခေါင်း​ဆောင်မင်းသမီး ဇာတ်​ကောင်​​တွေထဲမှာ လူကြိုက်အများဆုံးအဖြစ်ဇာတ်​ကောင်တစ်ခုအဖြစ် ပါဝင်​နေပါတယ်။

2. Oh MiJoo (Shin SeKyung) – “Run On”

“Run On” ထဲက Mi Joo ဇာတ်​ကောင်က​တော့ ဒုတိယ​နေရာကို သိမ်းပိုက်နိုင်ခဲ့ပါတယ်။ Mi Joo ဟာ ထက်မြက်တဲ့ ရုပ်ရှင်ဘာသာပြန်ဖြစ်ပြီး အလုပ်ကြိုးစားသူဖြစ်ပါတယ်။ သူမရဲ့ အလုပ်နဲ့ ရုပ်ရှင်ရုံအတွက်ဆို စိတ်အားထက်သန်စွာ အလုပ်လုပ်တတ်သူဖြစ်ပါတယ်။

ထိုဇာတ်ကားထဲက နာမည်ကြီးစာသားတစ်ခုက​တော့ “တခြားသူ​တွေထက် ကျွန်မကိုယ် ကျွန်မ တန်ဖိုးထားတယ်” ဆိုတာပဲ ဖြစ်ပါတယ်။ ပရိသတ်​တွေဟာ ဒီလိုထက်မြက်တဲ့ သူမရဲ့ ဆွဲ​ဆောင်မှုမှာ ​ကြွေကျသွားပုံပါပဲ။

3. Princess Pyeong Gang (Kim SoHyun) – “River Where the Moon Rises”

ရည်မှန်းချက်ကြီးမားတဲ့ မင်းသမီး Pyeong Gang က​တော့ တတိယ​နေရာကို ရရှိခဲ့ပါတယ်။ သူမဟာ စိတ်ဓါတ်ခိုင်မာတဲ့ မိန်းက​လေးတစ်ဦးဖြစ်ပါတယ်။ ငယ်စဉ်က သူမရဲ့ မိခင်ဖြစ်သူ လုပ်ကြံခံလိုက်ရတာကို ​တွေ့မြင်ခဲ့ပြီး​နောက် လက်စားပြန်​​ချေဖို့နဲ့ သူမရဲ့ တိုင်းပြည်ကို ကာကွယ်ဖို့စတဲ့ ရည်မှန်းချက်​တွေကို အ​ကောင်အထည်​ဖော်ဖို့ အခက်အခဲ​တွေကြားက​နေ ရုန်းကန်ကြိုးစားခဲ့ရပါတယ်။ သူမဟာ တိုက်ရည်ခိုက်ရည်​​ကောင်းသူဖြစ်သလို နည်းဗျူဟာနဲ့ နိုင်ငံ​ရေးကစားကွက်​တွေကိုလည်း ကျွမ်းကျင်ပါတယ်။

Source : Kpopmap
Photo : Instagram
Written : ZL

Advertisements
Share