Celebrity News

“Squid Game” ကို လူကြည့်များလာတာနဲ့အမျှ ဇာတ်လမ်းပိုင်းခိုးယူတယ်ဆိုပြီး ဝေဖန်စွပ်စွဲခံရနေ

Netflix’s ကနေ ပြသနေတဲ့ ဇာတ်လမ်းတွဲဖြစ်တဲ့ “Squid Game” ကတော့ ကြည့်ရှုသူတွေကြားမှာ တော်တော်နာမည်ကြီးနေတာပါ။ ဇာတ်လမ်းပိုင်းနဲ့ သရုပ်ဆောင်ချက်တွေက ပီပြင်လွန်းတာကြောင့် ကြည့်နေရင်း စိတ်ထဲမှာ တကယ်ဖြစ်နေသလိုမျိုး ခံစားရစေပါတေယ်။

ဒီလိုနာမည်ကြီးလူကြိုက်များလာနဲ့အမျှ “Squid Game” ဟာ ဂျပန်ဇာတ်ကားကို ကူးချပါတယ်ဆိုပြီး ဝေဖန်မှုတွေ ပိုမိုမြင့်တက်လို့လာ‌နေပါတယ်။ ဇာတ်လမ်းပိုင်းက သေဘေးကနေလွတ်မြောက်အောင် ကြိုးစားရမျိုးကို ကျောရိုးယူထားတာကြောင့် ဆင်တူတာမျိုးဖြစ်နိုင်ပေမဲ့လည်း netizens အချို့ကတော့ ဇာတ်လမ်းပိုင်းတင်မကဘဲ အခြားသော အပြင်အဆင်တွေမှာပါ တူ‌ညီနေကြောင်း ထောက်ပြပြောဆိုခဲ့ကြပါတယ်။

“Squid Game” ဟာ ဂျပန်ဇာတ်ကားဖြစ်တဲ့ “As The Gods Will” နဲ့ ရိုက်ကူးရေးပိုင်းမှာပါ တော်တော်ဆင်တူနေတဲ့အကြောင်း ပြောဆိုခဲ့ကြပါတယ်။ Squid Game နဲ့ As The Gods Will ကြားက ရိုက်ကွင်းအပြင်အဆင် တူညီမှုတွေကို စာရင်းပြုစုကာ ပြသခဲ့တာပါ။ အရုပ်ကြီးရဲ့ ဦးခေါင်းပုံစံ၊ အချိန်ရေတွက်စဉ် အနီ/အစိမ်းရောင်ပဲ ပြောင်းလဲသွားပုံ၊ ပြေးလွှားနေတဲ့ပုံစံနဲ့ အခြားသော ထပ်တူညီနေတာတွေရှိသေးကြောင်း ပုံနဲ့တကွပြောဆို ဝေဖန်ခဲ့ပါတယ်။

အဖွင့်ကစားပွဲမှာ သုံးခဲ့တဲ့ အနီရောင်နဲ့ အစိမ်းရောင်က တူညီနေပြီး တခြားသောဂိမ်းတွေမှာတော့ မတူတော့ပါဘူး။ Squid Game ရဲ့ အပြင်အဆင်တော်တော်များများက ကိုရီးယားကလေးကစားနည်းများစွာကို သုံးထားတာပါ။ နောက်ထပ် ကစားပွဲတစ်ခုဖြစ်တဲ့ Tug O War ကလည်း ကိုရီးယားဇာတ်လမ်းတိုကို ကူးချပြီး ထည့်သွင်းရိုက်ကူးထားတာကြောင့်ပါ ဝေဖန်ခံနေရပြန်ပါတယ်။

တစ်ဖက်ကလည်း “Squid Game” ရဲ့ ဇာတ်ညွှန်းရေးဆရာ Hwang Dong Hyuk က ဒီဇာတ်လမ်းအတွက် ၂၀၀၈ ခုနှစ်ကတည်းက ရေးသားပြင်ဆင်ခဲ့တာဖြစ်လို့ ဝေဖန်စွပ်စွဲနေတာတွေက မဟုတ်နိုင်ကြောင်း ချေပပြောဆိုခဲ့ကြပါတယ်။ ဘယ်လိုပဲ ပြောဆိုနေကြပါစေ Squid Game ကိုတော့ ကြိုက်တဲ့သူတွေက အားပေးကြည့်ရှုနေကြဦးမှာပဲ ဖြစ်ပါတယ်။

Source: Koreaboo
Photos: Netflix
Translated by Julix