Celebrity News

သူငယ်ချင်းတွေကို တဖြည်းဖြည်းချင်း ဆုံးရှုံးလာရတဲ့အတွက် ဝမ်းနည်းကြောင်း ပြောခဲ့သူ Jin

ကမ္ဘာကျော် idol တစ်ယောက်ဖြစ်လာတာနဲ့အမျှ Jin ကိုယ်တိုင်လည်း တိုးပွားမှုတွေရှိလာသလို တဖက်ကလည်း လက်လွှတ်ဆုံးရှုံးမှုတွေ ရှိခဲ့ရှာပါတယ်။ Break The Silence အပိုင်း (၃) မှာတုန်းက Jin ဟာ Kim Seokjin အဖြစ်ကော BTS’s Jin အဖြစ် ပုံစံ ၂ မျိုးနဲ့ နေရတဲ့အပေါ် ခံစားချက်ကို ပြောပြခဲ့ပြီး ဒီလိုပြောင်းလဲမှုကြောင့် အပေါင်းအသင်းတွေအပေါ် အကျိုးသက်ရောက်မှုတွေရှိကြောင်းကိုပါ ရင်ဖွင့်ခဲ့ပါတယ်။

Jin က “ပုံစံ ၂ ခုစလုံးက ကျွန်တော့်အတွက်တော့ အတူတူပါပဲ။ တူပေမဲ့ နည်းနည်းကွဲပြားအောင်တော့ နေတာပေါ့။ Jin က အမြဲတက်ကြွပျော်ရွှင်နေတတ်တဲ့ ပုံစံပါ။ Kim Seokjin ကလည်း ဒီလိုပါပဲ။ ကျွန်တော်က ဘဝကြီးကို ပျော်ပျော်ဖြတ်သန်းနေတာသူပါပဲ။ Jin အနေနဲ့ကတော့ ဘဝကြီးက အခက်အခဲလေးတွေ ရှိတယ်။ တစ်ဖက်က‌ တိုးများလာရင် တစ်ဖက်မှာ တစ်ချို့ကိုတော့ လက်လွှတ်ဆုံးရှုံးရစမြဲပဲလေ။ မိတ်ဆွေတွေနဲ့ တွေ့ဆုံဖို့က တော်တော်ကြီးကို ဖိအားတွေများလာခဲ့တယ်။ ကျွန်တော့်ဖက်က ပြောင်းလဲခြင်းမရှိရင်တောင် သူငယ်ချင်းတွေကျတော့ ကျွန်တော့်နားမှာရှိရတာဟာ ခက်ခဲလာခဲ့တယ်။ ကျွန်တော့်ဆီကနေ တဖြည်းဖြည်းဝေးကွာသွားကြတဲ့ သူငယ်ချင်းတွေကိုမြင်ရတာ ဝမ်းနည်းဖို့ကောင်းပါတယ်။ ကျွန်တော့်ဘေးမှာရှိတဲ့လူတွေကို အများကြီး ဆုံးရှုံးခဲ့ရပါတယ်” ဆိုပြီး ရင်ဖွင့်ချခဲ့ဖူးပါတယ်။

သူငယ်ချင်းတွေကို ဆုံးရှုံးရတဲ့ခံစားချက်က တကယ်ကို နာကျင်ရပါတယ်။ Jin လည်းပဲ အဲ့လိုမျိုး ခံစားခဲ့ရပေမဲ့ ဆုံးရှုံးခဲ့ရတာတွေထက် သူ့အတွက် ဖြစ်တည်လာခဲ့တာတွေကို အာရုံစိုက်ခဲ့ပါတော့တယ်။ အဓိကကတော့ သူ့ရဲ့အိပ်မက်တွေကို ပြည့်မြောက်စေခဲ့တဲ့ ပရိသတ်တွေအတွက်ပဲ ရှေးရှုခဲ့ပါတော့တယ်။ “လက်ရှိ Jin ရယ်လို့ ရပ်တည်နိုင်အောင် ပံ့ပိုးခဲ့သူတွေကတော့ ကျွန်တော်တို့ရဲ့ ARMY တွေပါပဲ။ သူ‌တို့တွေက ကျွန်တော် ရှေ့ဆက်ပြီး သီချင်းတွေလုပ်နိုင်စေခဲ့တဲ့ အကြောင်းပြချက်ပါပဲ။ လူအများကြီးက စင်မြင့်ထက်က ကျွန်တော့်ကို ချစ်ပေးကြတယ်… ဒီအတွက် ကျွန်တော်ကလည်း သူတို့ကိုပျော်ရွှင်အောင် လုပ်ပေးနိုင်လာတယ်။ သူတို့ရဲ့ ပျော်ရွှင်မှုက ကျွန်တော့်ရဲ့ ပျော်ရွှင်မှုပါပဲ။ ဒါကြောင့်လည်း အရင်ကထက် ပိုမိုကောင်းမွန်တဲ့ ဖျော်ဖြေတင်ဆက်မှုတွေကို လုပ်ချင်တာပါ” ဆိုပြီး Jin ဟာ လေးနက်စွာ ပြောခဲ့ပါတော့တယ်။ ARMY တွေကလည်း Jin နဲ့ BTS ဘေးမှာ အမြဲထာဝရ အတူရှိပေးနေမှာဖြစ်လို့ ပျော်ရွှင်တဲ့အချိန်တွေကို အတူပိုင်ဆိုင်ကြပါစေနော်။

Source: Koreaboo
Photos: Koreaboo
Translated by Julix