Categories: Celebrity News

Jo Byeong Gyu နှင့် Kim Sejeong တို့အတူပါဝင်သရုပ်ဆောင်မည့် ဇာတ်လမ်းတွဲအသစ်

OCN မှရိုက်ကူးမည့် Extraordinary Rumor ဇာတ်လမ်းတွဲအသစ်မှာတော့ Jo Byeong Gyu နှင့် Kim Sejeong တို့က အဓိကသရုပ်ဆောင်များအဖြစ် ပါဝင်သွားကြမှာပါ။ Extraordinary Rumor ဟာ webtoon ကိုအခြေခံပြီး ရိုက်ကူးမည့် ဇာတ်လမ်းတွဲတစ်ခုပါ။

မကောင်းဆိုးဝါးနှိမ်နင်းသူတစ်ယောက်က လူသားတွေကိုအနှောက်အယှက်ပေးနေတဲ့ ဝိညာဉ်တွေကိုဖမ်းဆီးပြီးနှိမ်နင်းရမည့် ဇာတ်လမ်းလေးပါ။ Jo Byeong Gyu ကတော့ မကောင်းဆိုးဝါးနှိမ်နင်းတဲ့ နောက်ဆုံးမျိုးဆက်ဖြစ်သူ So Moon ဆိုတဲ့ကောင်လေး တစ်ယောက်ပါ။

ငယ်စဉ်တုန်းက ကားတိုက်ခံရပြီးနောက်ပိုင်းမှာ So Moon ဟာမကောင်းဆိုးဝါးနှိမ်နင်းတဲ့မုဆိုးတွေကြားမှာ နာမည်ကြီးတစ်ယောက် ဖြစ်လာခဲ့ပါတယ်။ Kim Sejeong ကတော့ မကောင်းဆိုးဝါးများ ရှိနိုင်တဲ့နေရာကို အာရုံခံနိုင်တဲ့ Do Ha Na ဆိုတဲ့သဘာဝလွန် မိန်းကလေးတစ်ဦးအဖြစ်သရုပ်ဆောင်ရမှာပါ။

အဓိကသရုပ်ဆောင်သူတို့နှစ်ဦးနှင့်အတူ နောက်ထပ်ဝါရင့်သရုပ်ဆောင်များစွာလည်း ပါဝင်သေးပါတယ်။ Extraordinary Rumor ဟာ အက်ရှင်ရောဟာသပါ ရောနှောပါဝင်မှာကြောင့် ပရိတ်သတ်တွေ အကြိုက်တွေ့နိုင်တဲ့ drama ကောင်းတစ်ခု ဖြစ်မှာပါ။ ဇာတ်လမ်းတွဲကိုတော့ ၂၀၂၀ခုနှစ်ရဲ့ နှစ်ကုန်ပိုင်းမှာ ထုတ်လွှင့်နိုင်မယ်လို့ သိရပါတယ်။

Source: Soompi
Written: Phoo Phoo

Share