ချစ်စရာအကောင်းဆုံးမင်းသမီးလေး IU ရဲ့ ဖန်ရှင်အကျဆုံး ဒရမ်မာ ကာရိုက်တာ (၄) ခု

IU ဆိုတဲ့ ချစ်စရာ အဆို​တော်မ​လေးက​တော့ အဆိုဘက်မှာသာမက သရုပ်​ဆောင်ပိုင်းမှာပါ ပါရမီပါသူပဲဖြစ်ပါတယ်။ နံမည်ကြီး ဒရမ်မာ​တွေမှာ ပါဝင်ခဲ့ပြီး​တော့ သူ့ရဲ့ သရုပ်​ဆောင် စွမ်းရည်​တွေက ပရိသတ်ကို အံ့အားသင့်​စေပါတယ်။ ဒါ့အပြင် သူမဟာ ကာရိုက်တာနဲ့လိုက်ဖက်​အောင် ဖက်ရှင်ဆန်းစစ်နိုင်သူလည်းဖြစ်ပါတယ်။

1. Hotel De Luna (Jang Man Wol)

IU ရဲ့ ဖက်ရှင်အ​ကြောင်း​ပြောရင်​တော့ Hotel De Luna ကို ချန်ထားလို့မဖြစ်ပါဘူး။ ဒီ ဒရမ်မာထဲမှာဆိုရင် IU ဟာ ဟိုတယ်ကြီးကို နှစ်​ပေါင်း​ထောင်ချီ​အောင် လည်ပတ်ခဲ့တဲ့ သူ​ဌေးမပုံစံမျိုးဖြစ်ပါတယ်။ ဒီထဲမှာ သူမရဲ့ ဖက်ရှင်ဟာဆိုရင် အရင်ခေတ်​ပုံစံ နဲ့အတူ ​ခေတ်မှီတဲ့ အမြင်နဲ့ ပြန်လည် ဆန်းသစ်ပြီး ဂန္တဝင်ဆန်ဆန်​ကျော့ရှင်း​နေတာကို မြင်ရမှာပါ။

သူမရဲ့ ဝတ်စုံတိုင်းဟာ သူမရဲ့ စရိုက်လက္ခဏာကို ​ဖော်ကျူး​ပေး​နေတာပဲဖြစ်ပါတယ်။ ဒါ့အပြင် သူမ သုံးထားတဲ့ ဦးထုပ် ၊ ဆံထိုး နဲ့ လက်ဝတ်ရတနာ​တွေကလည်း သူမရဲ့ ကာရိုက်တာကို ပိုမိုပီပြင်​စေပါတယ်။ မိတ်ကပ် အပြင်အဆင်က အစ ​သေချာ ဂရုစိုက်ထားတာကိုပါ မြင်​တွေ့ရပါတယ်။

2.Bel Ami (Kim Bo Tong)

Bel Ami ဆိုတဲ့ ဒရမ်မာဟာဆိုရင် လွန်ခဲ့တဲ့ ၈နှစ်​လောက်က ထုတ်လွှင့်ခဲ့တဲ့ ဒရမ်မာပဲဖြစ်ပါတယ်။ ဒါ​ပေမယ့် ဒီဒရမ်မာထဲက IU ရဲ့ ဖက်ရှင်ဟာ ခုချိန်ထိ လက်ဆတ်​နေတုန်းပါပဲ။ ဒီထဲမှာဆိုရင် IU က ​ကျောင်းတုန်းကသိခဲ့တဲ့ သူ​ဌေးသား​လေးကို စိတ်ဝင်စားတဲ့ Kim Bo Tong ဆိုတဲ့ သာမန် ​ကောင်မ​လေး ပုံစံ သရုပ်​ဆောင်ထားပါတယ်။

ဒီထဲက ဖက်ရှင်က Hotel De Luna ထဲက ဖက်ရှင်လို တခမ်းတနားကြီးဖြစ်မ​နေ​ပေမယ့် သူမရဲ့ ချစ်စရာ​ကောင်းတဲ့ ဖက်ရှင်​လေး​တွေကို ဒရမ်မာ ပရိသတ်​တွေအတွက်က​တော့ မှတ်မှတ်ရရဖြစ်​နေမှာပါ။ ဒီဒရမ်မာထဲက IU ရဲ့ ဆံပင်အတို လှိုင်း​ကောင်​လေး​တွေဟာဆိုရင် ခုချိန်ထိ ​ခေတ်မှီ​နေတဲ့ ပုံစံ​လေးပဲ ဖြစ်ပါတယ်။

3.THE Producers (Cindy)

​နောက်တစ်ကားက​တော့ The Prouducers ပဲဖြစ်ပါတယ်။ ဒီထဲမှာ ဆိုရင် IU ကို idol တစ်​ယောက်မှာ​တွေ့ရတဲ့ လက္ခဏာ​တွေ အပြည့်နဲ့​တွေ့ရမှာပါ။ အသက်ငယ်ငယ်​လေးကတည်းက Debut လုပ်ခဲ့ပြီး ​အေးစက်စက်နိုင်တဲ့ idol Cindy အဖြစ်သရုပ်​ဆောင်ထားတာ ဖြစ်ပါတယ်။

ဒီထဲမှာ ထင်ရှားတာက​တော့ သူမရဲ့ အနင်​ရောင် ဆံပင် အရှည်နဲ့ အနီ​ရောင် နှုတ်ခမ်း တစ်စုံပါ။ ဒီအတွဲအစပ်က သူမရဲ့ သရုပ်​​ဆောင်မှုနဲ့ လိုက်ဖက်ပြီး တကယ်ကို ကာရိုက်တာကို ပီပြင်​စေခဲ့ပါတယ်။ ဆွဲ​ဆောင်မှုရှိပြီး ၊ စတိုင်လ်မိုက်မိုက်၊ ရည်မှန်းချက်ကြီးမားတဲ့ Idol တစ်​ယောက်သွင်ပြင်ကို ပံ့ပိုး​ပေးနိုင်ခဲ့တဲ့ IU ရဲ့ ဖက်ရှင်​တွေပဲ ဖြစ်ပါတယ်။

4.My Mister (Lee Ji An)

ဒီ ဒရမ်မာထဲမှာ​တော့ တခြား ကာရိုက်တာ​တွေနဲ့ လုံးဝကွဲထွက်​နေတဲ့ IU ကို​တွေ့ရမှာပါ။ သူမ သရုပ်​ဆောင်ခဲ့တဲ့ Lee Ji an ဆိုတဲ့ ကာရိုက်တာဟာ အ​ကြွေး​တွေနဲ့ ဒုက္ခ​ရောက်ကာ အဘွားကိုလည်း တစ်ဖက်​စောင့်​ရှောက်​ပေး​နေရတဲ့ အမျိုးသမီး တစ်​ယောက်ပဲဖြစ်ပါတယ်။

ဒီထဲက ဖက်ရှင်က အထူးတလည်​ပြောစရာမဟုတ်ဘူးလို့ ထင်စရာရှိပါတယ်။ ဒါ​ပေမယ့် သူမရဲ့ သည်းခံတတ်မှု​တွေ၊ ဝမ်နည်းမှု​တွေနဲ့ အတူ ​​ဆောင်းဦးရဲ့ အရသာကို ခံစားရတာ​က​တော့ ငြင်းလို့မရပါဘူး။ IU ရဲ့ နဂို တက်ကြွတဲ့ အသွင်အပြင်ကို ​မေ့ပြီး ကာရိုက်တာဝင်​​အောင် သူမရဲ့ သရုပ်​ဆောင်စွမ်းရည်က တကယ် ပီပြင်ခဲ့ပါတယ်။

ဒီလိုပီပြင်​အောင်လည်း သူမအ​နေနဲ့ တကယ့်ကို အ​​ရောင်နု​တွေကို အ​ခြေခံကာ ကာရိုက်တာနဲ့ ကိုက်ညီ​အောင် ဖန်တီးခဲ့တာပါ။ ဒီထဲမှာ နံမည်ကြီး တံဆိပ်​တွေ ဝတ်မထား​ပေမယ့် ကာရိုက်တာနဲ့ ကိုက်ညီ​တဲ့ သူမရဲ့ ဖက်ရှင် အမြင်က​တော့ တကယ် အားရစရာပါ။

ဒီ ကာရိုက်တာ​ ၄ခုလုံးက တကယ်ကိုကွဲပြားပါတယ်။ ဒါ​ပေမယ့် IU က​တော့ ဆင်းရဲတဲ့ ကာရိုက်တာဖြစ်ဖြစ် ချမ်းသာတဲ့ ကာရိုက်တာဖြစ်ဖြစ် အံဝင်ခွင်ကျ​အောင် သရုပ်​ဆောင်နိုင်ပါတယ်။ ပရိသတ်ကြီး​ရော IU ရဲ့ ဘယ် ဖက်ရှင်​တွေကို အကြိုက်ဆုံးဖြစ်မလဲ။

Source:soompi
Photo:kbs
Written:zunepwint

Share