BTS ဘက်က မားမားမတ်မတ် ရပ်တည်​ပေးခဲ့ကြတဲ့ Lauv, Halsey နဲ့ MAX

ကမ္ဘာ​ကျော် အဆို​တော်များဖြစ်ကြတဲ့ Lauv, Halsey နဲ့ MAX တို့ဟာ ဂျာမန် ​ရေဒီယိုအစီအစဉ်တင်ဆက်သူ Matthias Matuschik ရဲ့ BTS ကို မ​ကောင်း​ပြောမှုနဲ့ ပတ်သက်ပြီး BTS ဘက်က ရပ်တည်​​ကြောင်း ပြသပေးခဲ့ကြပါတယ်။

ထိုရေဒီယိုအစီအစဉ်တင်ဆက်သူဟာ Big Hit Entertainment ရဲ့ ​ယောကျ်ား​လေးအဖွဲ့တစ်ဖွဲ့ဖြစ်တဲ့ BTS က Coldplay ရဲ့”Fix You” ကို ပြန်လည်သီဆိုတာနဲ့ ပတ်သက်ပြီး မ​ကောင်းတဲ့မှတ်ချက်ပြုခဲ့ကာ BTS ကို “ကုသ​ရန်​ဆေး​ ပေါ်​ပေါက်လာဖို့ ​မျှော်လင့်ရတဲ့ ဗိုင်းရပ်စ်ပိုး” ဆိုပြီး ဗိုင်းရပ်စ်​ရောဂါပိုးနဲ့ ခိုင်းနှိုင်း​ပြောဆိုခဲ့ပါတယ်။

ထို​့ကြောင့် သူဟာ ကမ္ဘာတစ်ဝန်းက ARMY ​တွေရဲ့ ပြစ်တင်ရှုတ်ချခြင်းကို ပြင်းထန်စွာ ခံခဲ့ရပါတယ်။ သူ့ရဲ့ Instagram မှာလည်း ARMY ​တွေရဲ့ ​​ဝေဖန်ပြစ်တင်တဲ့ မှတ်ချက်​တွေ ပြည့်လျှံ​နေခဲ့တာ​ကြောင့် ​နောက်ဆုံးမှာ​တော့ သူ့ရဲ့စကားအတွက် ပြန်​တောင်းပန်ခဲ့ရပါတယ်။

ကမ္ဘာ​ကျော်အနုပညာရှင်​တွေ ဖြစ်ကြသလို BTS နဲ့ ယခင်က collaboration ​တွေ ပြုလုပ်ခဲ့ဖူးတဲ့ Lauv, Halsey နဲ့ MAX က​တော့ BTS က ရပ်တည်ပြီး ​ပြောဆိုခဲ့ကြပါတယ်။ ဦးစွာ MAX က သူ့ရဲ့ Twitter အ​ကောင့်မှာ “BTS က ဒီအနုပညာ​လောကမှာ အလုပ်အကြိုးစားဆုံးနဲ့ အနှိမ့်ချတတ်ဆုံး အဖွဲ့တစ်ဖွဲ့ဖြစ်တယ်။

သူတို့ရရှိ​နေတဲ့ ​အောင်မြင်မှု​တွေနဲ့လည်း ထိုက်တန်တယ်။ Bayern 3 က ​တင်ဆက်သူ​ပြောသွားတဲ့ မ​ကောင်းစကား​တွေဟာ ကျွန်​တော့်ကို နာကျင်​စေတယ်။ သူတို့ရယ် အာရှအသိုင်းအဝိုင်း တစ်ခုလုံးနဲ့ ပတ်သက်တဲ့ အမုန်းတရားဟာ လက်ခံနိုင်ဖွယ်မရှိပါဘူး” လို့ ​ရေးသား​ခဲ့ပါတယ်။

ထို့​နောက် Lauv ကလည်း Bayern 3 က​နေ ကြားသိရတဲ့ လူမျိုး​ရေးခွဲခြားတဲ့ မှတ်ချက်​တွေ​ကြောင့် ထိခိုက်ခဲ့ရတဲ့ BTS ညီအကို​တွေနဲ့ တခြားသူ အားလုံးဘက်က ရပ်တည်​ကြောင်း၊ ဒီလိုလုပ်ရပ်ကို သည်းခံ​နေစရာမလိုပဲ အတူတကွ ရပ်တည်ပြီး ရပ်တန့်​အောင် လုပ်ရမှာဖြစ်​ကြောင်း သူ့ရဲ့ Twitter မှာ တင်ခဲ့ပါတယ်။

Halsey က​တော့ သူမရဲ့ Instagram story မှာ “Matthias Matuschik ရဲ့ မှတ်ချက်​တွေကို ဖတ်ဖို့​တောင် ကျွန်မကြောက်ရွံ့မိပါတယ်။ ​လူမျိုး​ရေးခွဲခြားတာနဲ့ xenophobia (ကိုယ်နဲ့ မတူကွဲပြားတဲ့သူကို ​ကြောက်ရွံ့​သော​ရောဂါ) ဟာ ဟာသတစ်ခုအ​နေနဲ့ ​လေထဲမှာ ​ပျောက်သွားရမယ့် ကိစ္စမျိုး မဟုတ်ပါဘူး။

အာရှလူ့အသိုင်းအဝိုင်းနဲ့ ပတ်သက်တဲ့ အမုန်းစကား​တွေ အကြမ်းဖက်တာ​တွေဟာ အချိန်တစ်ခုအတွင်းမှာ အမြင့်ဆုံးကို ​ရောက်​နေပါပြီ။ ဒါဟာ လက်ခံနိုင်စရာမရှိပါဘူး။ BTS နဲ့ ကမ္ဘာတစ်ဝန်းက အာရှလူ့အသိုင်းအဝိုင်းကို ပိုပြီး ​ကောင်း​မွန်တဲ့ နည်းလမ်းနဲ့ ​တောင်းပန်ဖို့ ​မျှော်လင့်ပါတယ်” ဆိုပြီး ​ရေးသား​ဖော်ပြခဲ့ပါတယ်။ အလားတူစွာပဲ BeckyG နဲ့ Steve Aoki တို့က ကမ္ဘာကျော်တောင်ကိုရီးယားအဆိုတော်အဖွဲ့ BTS ဖက်မှာ ရပ်တည်ပေးခဲ့ပါတယ်။

Source : Allkpop
Photo : Twitter
Written : ZL

Share