၁၁ လအကြာမှာ full album အသစ်နဲ့ ပရိသတ်​ရှေ့ကို ပြန်လာ​တော့မယ့် NU’EST အဖွဲ့

မတ်လ ၉ ရက်​နေ့မှာ Ilgan Sports သတင်းဌာနရဲ့ သတင်းထုတ်ပြန်​ချက်အရ NU’EST အဖွဲ့ဟာ လာမယ့် ဧပြီလမှာ comeback ပြုလုပ်သွားမယ်လို့ သိရပါတယ်။ အခုတစ်​ခေါက် comeback album ဟာ full-length album ဖြစ်ပြီး music video ကိုလည်း ရိုက်ကူးပြီးစီးသွားပြီလို့လည်း ​ပြောထားပါတယ်။

ထိုသတင်းကို Pledis Entertainment ကလည်း အတည်ပြု​ပေးခဲ့ပြီး အဖွဲ့ဝင်​တွေဟာ comeback အတွက် ပြင်ဆင်​နေတယ်လို့ ​ပြောကြားခဲ့ပါတယ်။ NU’EST ရဲ့ ​နောက်ဆုံး comeback ဟာ ၂၀၂၀ ခုနှစ် ​မေလတုန်းကဖြစ်ပြီး ၈ ခု​မြောက် mini album “The Nocturne” နဲ့ comeback ပြုလုပ်ခဲ့တာဖြစ်ပါတယ်။

၂၀၂၀ ခုနှစ် ​အောက်တိုဘာလမှာ​တော့ “DRIVE” ဆိုတဲ့ Japanese Full Album ထွက်ရှိခဲ့ပါ​သေးတယ်။ ယခု ကိုရီးယား comeback ကို​တော့ ၁၁ လကြာမှ ပြုလုပ်မှာဖြစ်ပါတယ်။ ဒါဟာလည်း အဖွဲ့ဝင် ARON က ၂၀၂၁ ခုနှစ် အစတည်းက စိတ်ဖိစီးမှု​တွေ​ကြောင့် အနုပညာလှုပ်ရှားမှု​တွေက​​နေ အနားယူထားတာ​ကြောင့် ဒီ​လောက်ထိ အချိန်ကြာမြင့်သွားတာဖြစ်နိုင်ပါတယ်။

တစ်ဖက်မှာလည်း အဖွဲ့ဝင်​တွေဟာ မတ်လ ၁၅ ရက်​နေ့မှာ ကျ​ရောက်မယ့် အဖွဲ့ ၉ နှစ်ပြည့် အထိမ်းအမှတ်အတွက် LO/\E ​တွေနဲ့ အထူး event တစ်ခုကို ပြုလုပ်ဖို့ စီစဉ်​နေပါတယ်။ ယခု album ဟာ ၂၀၁၄ ခုနှစ်က ထွက်ရှိခဲ့တဲ့ “RE:BIRTH” full album ​​နောက် ထပ်မံထွက်ရှိမယ့် ကိုရီးယား full album လည်းဖြစ်ပါတယ်။album ထွက်ရှိမယ့်​နေ့ရက်နဲ့ အ​သေးစိတ်အချက်အလက်​တွေကို​တော့ ဆက်လက်​စောင့်ကြည့်ရမှာ ဖြစ်ပါတယ်။

Source : Soompi
Photo : Pinterest
Written : ZL

Share