“ARMY Day” ရဲ့‌နောက်ကွယ်မှာ လေးနက်တဲ့အဓိပ္ပါယ်ရှိနေကြောင်း ပြောပြခဲ့တဲ့ Suga

Advertisements

July 9 ရက်နေ့ဟာ ARMY Fandom ကြီးရဲ့ မွေးနေ့ပါပဲ။ ၂၀၁၃ ခုနှစ်က,စတင်ပြီး BTS ရဲ့ Fandom name ကို ARMY ရယ်လို့ စတင်သတ်မှတ်ခေါ်ဆိုခဲ့ရာမှစပြီး တကမ္ဘာလုံးက ARMY တွေအတွက် သွေးသားမတော်စပ်တဲ့ နောက်ထပ်မိသားစုအသိုက်အဝန်းတစ်ခု ဖြစ်တည်လာခဲ့ပါတယ်။

“ARMY Day” နဲ့ပတ်သက်ပြီး ဒီနေ့ထူးနေ့မြတ်ရဲ့နောက်ကွယ်မှာ လေးနက်တဲ့အဓိပ္ပါယ်တစ်ခုရှိနေကြောင်း Suga က ပြောပြလာခဲ့ပါတယ်။ Butter CD Single album ပုံစံအသစ်အတွက် BTS အဖွဲ့သားတွေအကုန်လုံး အသေးစိတ်ပြင်ဆင်နေတဲ့အချိန်မှာပဲ Suga ဟာ “ARMY Day” နဲ့ BTS ရဲ့ လေးနက်တဲ့ဆက်နွယ်မှုတစ်ခုကို သီအိုရီထုတ်ရင်းရှင်းပြသွားပါတယ်။

Suga က “July 9 ရက်နေ့ကို ကိုရီးယားလိုဆိုရင် chil-wol gu-il (ချီဝေါလ်ဂူးအီလ်) လို့ ခေါ်တယ်မလား… အတိုချုံ့ပြောရင် chil-gu (ချီလ်ဂူး).. ဒါက ကိုရီးယားလို Chingu “သူငယ်ချင်း!” (ချင်းဂူး) နဲ့ အသံထွက်ချင်းဆင်တယ်လေ။ ပြောချင်တာက BTS နဲ့ ARMY တွေကြားမှာ မိတ်ဆွေသူငယ်ချင်းတွေလိုမျိုး သံယောဇဉ်ကြီးလေးတစ်ခုက သွယ်တန်းနေတယ်။ အဲ့လိုပဲ ပြင်သစ်မှာလည်း ami ဆိုတဲ့ စကားလုံးလေးရှိတယ်။

ဒါက သူငယ်ချင်းဆိုတဲ့အဓိပ္ပါယ်ပေါ့။ ဒီစာလုံးကလည်း ကိုရီးယားအသံထွက် “ARMY!” နဲ့ ဆင်တူနေပြန်ရော။ ဒီတော့ ဘယ်ဘာသာစကားနဲ့ပဲသုံးသုံး ARMY ဆိုတာက နောက်ဆုံးမှာ “မိတ်ဆွေသူငယ်ချင်း” ဆိုတဲ့ အဓိပ္ပါယ်ကိုပဲ ပြန်ပြီးဦးတည်ဆက်စပ်သွားပါတယ်” လို့ တွေးတွေးဆဆနဲ့ပြောပြခဲ့ပါတော့တယ်။ ARMY တွေကို ဘယ်လောက်တောင်အလေးအနက်ထားတတ်သလဲဆိုရင် BTS ရဲ့ Butter CD Single ကို July 9 ရက်နေ့မှာပဲ စတင်ထုတ်ပေးခဲ့ပါတယ်။

အဓိပ္ပါယ်အများကြီးရှိနေတဲ့နေ့တစ်နေ့မှာ ပိုပြီးတန်ဖိုးရှိတဲ့အမှတ်တရတစ်ခုကို ဖန်တီးပေးခဲ့တဲ့ BTS အဖွဲ့ကတော့ တကယ်ကိုစိတ်ကူးစိတ်သန်း ဆန်းသစ်ကောင်းမွန်တဲ့အဖွဲ့ပါပဲ။ BTS အနေနဲ့လည်း နေ့ရက်ပေါင်းများစွာကို ARMY တွေနဲ့အတူ သံယောဇဉ်ပေါင်းများစွာချည်နှောင်ရင်း အမှတ်တရကောင်းတွေနဲ့ အောင်မြင်မှုများစွာကို ဖန်တီးနိုင်ဖို့ ဆုတောင်းပေးလိုက်ပါတယ်။

Source: Koreaboo
Photos: Koreaboo
Written: Julix

Advertisements
Share